元朗 - 士林台灣麵

  呢間舖頭第一次來無開，第二次來先試到，網上見到講到非吃不可咁。

  終於星期六下午試到，等十多張枱，不算太多人，但可惜只有紅燒牛肉麵係好味啲，其他都係麻麻地，尤其是個炸豆腐，完全唔似台灣嘢！個汁又求其！

  ** 呢間舖頭，有一樣嘢係完全唔要得，就係佢個價錢，明明寫係個門口外面係紅燒牛肉麵+$12(跟住有幅圖印住杯「珍珠奶茶」）到落單時寫收我$17，問佢點解，佢話係普通飲品，唔包奶茶，奶茶$14+$3珍珠，所以$17喎。

我再問佢咁門口個度明明印住杯珍珠奶茶喎，跟住就答我係老闆無改到門口廣告喎。

  唔係慳個幾蚊，係我覺得有啲俾人當白癡咁囉！真係有啲嬲！

元朗甜品-心太軟

前兩晚突然好想食心太軟，咁朋友介紹咗間係元朗就去試下。

星期五晚大約晚上十時到，有位唔洗等！心諗，大鑊，呢個時間無人排，唔方好食，但都試下啦。

一試就知咩事：

第一。價錢唔夠大眾化,佢分三個size收錢，現在圖中個係「原味大size」HKD47,如果正常食甜品我覺得係起碼嘅size一啲都唔大個，細size直頭係會到喉唔到肺(HKD 3X)

第二。太甜，雖然佢有隻特濃朱古力就多三蚊，但第一次來食緊係食原味試下！今次食大size我兩個人share完都要飲水。

總結：其實呢間個技術都唔錯架，外皮唔會燶晒，個心仲好識流出來，只要調下個甜少返三份糖，同埋舖頭執返整齊啲就好好。寫呢篇出來係想有改進，有得救架！

地址：元朗Sugar Ma Ma